COLOREX C.Perfringens DRY

COLOREX C.Perfringens: Хүнс усны дээжүүдэд Clostridium perfringens төрөл зүйлийг илрүүлж, дүйн тодорхойлно.

Бэлтгэх арга: 1000мл-ийн ариун колбонд 1000мл ионгүйжүүлсэн нэрмэл ус хийж дээр нь нарийвчлал сайтай электрон жин дээр жигнэн авсан 50.9гр CHROMagar C. Perfringens base–ийн нунтаг тэжээлийн орчинг хийж сайтар хутган холилдуулна. Дараа нь 100°C-ийн хэмтэй халаагч дээр, жигд хөдөлгөөнөөр эргэлдүүлэн холих маягаар агарыг жигд хайлтал буцалгана. Жигд хайлсны дараа гэрэлд зөөлөн эргэлдүүлж хайлсан эсэхийг шалган бүрэн гүйцэт хайлсны дараа 121⁰С-т 15мин автоклавдаж ариутгана. Ариутгалаас гарсан тэжээлт орчныг 45-50°C-ийн хэмтэй усан баннд 20мин хийж жигд хөргөнө.  Хөрсөн хэмийг шалган 10мл CHROMagar C.Perfrongens S1, S2  нэмэлтийг хийж сайтар хутган холилдуулна.

CHROMagar C.Perfringens S1 нэмэлтийг бэлтгэх: Хуурай нунтаг 2гр нэмэлт дээр 20мл ариутгасан ус нэмж сайтар хутгаж найруулна. 

CHROMagar C. Perfringens S2 нэмэлтийг бэлтгэх: Хуурай нунтаг 0,12гр нэмэлт дээр 1мл ариутгасан ус нэмж сайтар хутгаж найруулна.

Савлах: Биоаюулгүйн кабинетанд 45-50⁰С хэмтэй бэлэн болсон тэжээлийг ариутгасан буюу ариун петрийн аяганд жигд 18-20 мм хэмжээтэйгээр хуваарилан савлана. Савлахдаа колбонд үүссэн хөөсийг 1000мкл-ийн пипетикээр болгоомжтой зөвхөн хөөсийг нь соруулан авч хөөсгүй болсны дараа савлана. Гэрэл нэвтрэхгүй харанхуй орчинд (тасалгааны хэмд) 18-24цаг тавьж агарыг царцаана.

Хадгалах нөхцөл: Гэрэл нэвтрэхгүй харанхуй, хуурай газар хадгална. Бэлтгэсэн тэжээлт орчныг тасалгааны температурт нэг өдөр хадгалах боломжтой. Зааврын дагуу зөв бэлтгэсэн петрийн аягатай тэжээлт орчныг нэг сар хүртэлх хугацаанд гэрэл нэвтрэхгүй, хуурай нөхцөлд 2-8°C- н хэмд  хадгалан хэрэглэх боломжтой.

Суулгац хийх: Хэрвээ бэлтгэсэн тэжээлийн орчныг сэрүүн нөхцөлд хадгалж байгаа тохиолдолд суулгац хийхийн өмнө өрөөний хэмд 30 мин орчим болгосны дараа Биоаюулгүйн боксонд дээж болон сорьцыг тарьж +37⁰С-ийн инкубаторт 18-24цаг өсгөвөрлөн үр дүнг уншина.

Үр дүнг унших:

C. perfringens               улбар шар

Бусад бактери              хөх эсвэл дарангуйлагдана

Устгал: Хэрэглэсэн орчныг 121⁰С-т 20минут автоклавдана.

Зөвхөн лабораторийн нөхцөлд ашиглана. Энэхүү бүтээгдэхүүнийг зөвхөн лабораторийн мэргэжилийн болон мэргэшсэн ажилтан ашиглана.