COLOREX Strep B DRY

COLOREX Strep B: Энэ нь Streptococcus agalactiae (GBS)-ийг ялган тодорхойлох 92% -ийн мэдрэг чанартай, 95%-ийн урьдчилан оношлох чадамжтай сонгомол тэжээлийн орчин юм. Эмнэлзүйн сорьцонд B бүлгийн Streptococcus (S.agalactiae) илрүүлнэ.

Бэлтгэх арга: 1000мл-ийн ариун колбонд 1000мл ионгүйжүүлсэн нэрмэл ус хийж дээр нь нарийвчлал сайтай электрон жин дээр жигнэн авсан 44.7гр CHROMagar StrepB base–ийн нунтаг тэжээлийн орчинг хийж сайтар хутган холилдуулна. Хутгасны дараа 8 мл CHROMagar StrepB S1 нэмэлтийг нэмж сайтар хутгана. Дараа нь 100°C-ийн хэмтэй халаагч дээр, жигд хөдөлгөөнөөр эргэлдүүлэн холих маягаар агарыг жигд хайлтал буцалгана. Жигд хайлсны дараа гэрэлд зөөлөн эргэлдүүлж хайлсан эсэхийг шалган бүрэн гүйцэт хайлсны дараа 121⁰С-т 15мин автоклавдаж ариутгана. Ариутгалаас гарсан тэжээлт орчныг 45-50°C-ийн хэмтэй усан баннд 20мин хийж жигд хөргөнө.  Хөрсөн хэмийг шалган 10мл CHROMagar StrepB S2 нэмэлтийг хийж сайтар хутган холилдуулна.

CHROMagar StrepB S2 нэмэлтийг бэлтгэх: Хуурай нунтаг 0.25гр нэмэлт дээр 10мл ариутгасан ус нэмж сайтар хутгаж найруулна. 

Савлах: Биоаюулгүйн кабинетанд 45-50⁰С хэмтэй бэлэн болсон тэжээлийг ариутгасан буюу ариун петрийн аяганд жигд 18-20 мм хэмжээтэйгээр хуваарилан савлана. Савлахдаа колбонд үүссэн хөөсийг 1000мкл-ийн пипетикээр болгоомжтой зөвхөн хөөсийг нь соруулан авч хөөсгүй болсны дараа савлана. Гэрэл нэвтрэхгүй харанхуй орчинд (тасалгааны хэмд) 18-24цаг тавьж агарыг царцаана.

Хадгалах: Гэрэл нэвтрэхгүй харанхуй, хуурай газар хадгална. Бэлтгэсэн тэжээлийн орчныг тасалгааны температурт нэг өдрөөс илүү хугацаанд  байлгаж болохгүй.  Петрийн аягатай тэжээлийн орчныг 2 сараас багагүй хугацаанд гэрэл нэвтрэхгүй, харанхуй нөхцөлд 2-8⁰С-т  хадгалан хэрэглэж болно.

Суулгац хийх: Хэрвээ бэлтгэсэн тэжээлийн орчныг сэрүүн нөхцөлд хадгалж байгаа тохиолдолд суулгац хийхийн өмнө өрөөний хэмд 30мин орчим байлгасны дараа Биоаюулгүйн боксонд дээж болон сорьцыг тарьж +37⁰С-ийн инкубаторт 18-24цаг өсгөвөрлөн үр дүнг уншина.

Үр дүнг унших:

B бүлгийн Streptococcus                    ягаавтар                                                                                                                          Бусад организмууд                           хөх, өнгөгүй эсвэл дарангуйлагдана                                                                                                                                

Устгал: Хэрэглэсэн орчныг 121⁰С-т 20минут автоклавдана.

Зөвхөн лабораторийн нөхцөлд ашиглана. Энэхүү бүтээгдэхүүнийг зөвхөн лабораторийн мэргэжлийн болон мэргэшсэн ажилтан ашиглана.