COLOREX Orientation DRY

COLOREX Orientation: Энэ нь шээсний замын өвчин үүсгэгч бактерийг ялган дүйн тодорхойлох олонхи тэжээлийн орчин юм. Сонгомол биш тэжээлт орчин тул ямар ч төрлийн сорьцыг халдварлуулж болох бөгөөд нянгууд нь олон өөр өнгийн колониор ургадаг тул тэднийг ялган дүйхэд хялбар байдаг.

Бэлтгэх арга: 1000мл-ийн ариун колбонд 1000мл ионгүйжүүлсэн нэрмэл ус хийж дээр нь нарийвчлал сайтай электрон жин дээр жигнэн авсан 33.0гр CHROMagar Orientation agar–ийн нунтаг тэжээлийн орчинг хийж 100°C-ийн хэмтэй халаагч дээр, жигд хөдөлгөөнөөр эргэлдүүлэн холих маягаар агарыг жигд хайлтал буцалгана. Жигд хайлсны дараа гэрэлд зөөлөн эргэлдүүлж хайлсан эсэхийг шалган бүрэн гүйцэт хайлсны дараа 121⁰С-т 15мин автоклавдаж ариутгана. Ариутгалаас гарсан тэжээлт орчныг 45-50°C-ийн хэмтэй усан баннд 20 мин хийж жигд хөргөнө. 

Савлах: Биоаюулгүйн кабинетанд 45-50⁰С хэмтэй бэлэн болсон тэжээлийг ариутгасан буюу ариун петрийн аяганд жигд 18-20 мм хэмжээтэйгээр хуваарилан савлана. Савлахдаа колбонд үүссэн хөөсийг 1000мкл-ийн пипетикээр болгоомжтой зөвхөн хөөсийг нь соруулан авч хөөсгүй болсны дараа савлана. Гэрэл нэвтрэхгүй харанхуй орчинд (тасалгааны хэмд) 18-24цаг тавьж агарыг царцаана.

Хадгалах: Гэрэл нэвтрэхгүй харанхуй, хуурай газар хадгална. Бэлтгэсэн тэжээлийн орчныг тасалгааны температурт 1 өдрөөс илүү хугацаанд байлгаж болохгүй. Петрийн аягатай тэжээлийн орчныг 2 сараас багагүй хугацаанд гэрэл нэвтрэхгүй, хуурай нөхцөлд 2-8⁰С-т  хадгалан хэрэглэж болно.

Суулгац хийх: Хэрвээ бэлтгэсэн тэжээлийн орчныг сэрүүн нөхцөлд хадгалж байгаа тохиолдолд суулгац хийхийн өмнө өрөөний хэмд 30мин орчим байлгасны дараа Биоаюулгүйн боксонд дээж болон сорьцыг тарьж +37⁰С-ийн инкубаторт 18-24цаг өсгөвөрлөн үр дүнг уншина.

Үр дүнг унших:

Грам сөрөг:

E.coli                                                                              тод ягаанаас улаавтар
Klebsiella, Enterobacter, Citrobacter,Serratia               хар хөх (+/- улаан хүрээтэй)
Proteus, Morganella, Providencia                                  бор хүрээтэй

Proteus vulgaris                                                              бор хүрээтэй хөх
Pseudomonas                                                                  тунгалаг(+/- байгалийн толбо шиг

                                                                                        Цайвар шаргалаас ногоовтор)

Acinetobacter                                                                  цайвар шаргал

Stenotrophomonas                                                           өнгөгүй

Грам эерэг:

Enterococcus                                                      оюу шиг хөх ногоон

S.aureus                                                             алтлаг шаргал, тунгалаг бус, жижиг колони

S.epidermidis                                                     цайвар шаргал, цэг шиг колони

S.saprophyticus                                                 ягаан тунгалаг бус жижиг колони

Strep B                                                               дөл шиг хөх өнгөтэй

Хөгц, мөөгөнцөр:

Candida albicans                                                 цайвар шаргал цэг шиг колони

Устгал: Хэрэглэсэн орчныг 121⁰С-т 20минут автоклавдана.

Зөвхөн лабораторийн нөхцөлд ашиглана. Энэхүү бүтээгдэхүүнийг зөвхөн лабораторийн мэргэжлийн болон мэргэшсэн ажилтан ашиглана.