COLOREX ORIENTATION DRY + ESBL SUPPLEMENT

COLOREX ORIENTATION DRY + ESBL SUPPLEMENT: Энэ нь өргөтгөсөн үйлдэлтэй β-лактамаза (ESBL) ялгаруулдаг нянг ялгаж, дүйн тодорхойлох 100%-ийн мэдрэг чанартай 93.3%-ийн өвөрмөц чанартай сонгомол тэжээлийн орчин юм.

Бэлтгэх арга: 1000мл-ийн ариун колбонд 1000мл ионгүйжүүлсэн нэрмэл ус хийж дээр нь нарийвчлал сайтай электрон жин дээр жигнэн авсан 33гр CHROMagar ORIENTATION agar–ийн нунтаг тэжээлийн орчинг хийж 100°C-ийн хэмтэй халаагч дээр, жигд хөдөлгөөнөөр эргэлдүүлэн холих маягаар агарыг жигд хайлтал буцалгана. Жигд хайлсны дараа гэрэлд зөөлөн эргэлдүүлж хайлсан эсэхийг шалган бүрэн гүйцэт хайлсны дараа 121°С-т 15мин автоклавдаж ариутгана. Ариутгасан тэжээлийг 45-50°C-ийн хэмтэй усан баннд 20мин хийж жигд  хөргөнө. Биоаюулгүйн кабинетад хөрсөн тэжээл дээр 10мл CHROMagar ESBL S2 нэмэлтийг нэмж сайтар хутган холилдуулaн 45-50°C хэмтэй бэлэн болсон тэжээлийг ариутгасан буюу ариун петрийн аяганд жигд 18-20мм хэмжээтэйгээр хуваарилан савлана.

CHROMagar ESBL S2 нэмэлтийг бэлтгэх: Хуурай нунтаг 0.57гр нэмэлт дээр 10мл ариутгасан ус нэмж сайтар хутгаж найруулна. 

(Анхааруулга: Найруулсан нэмэлтийг дахин хэрэглэж болохгүй. Зөвхөн нэг удаа л найруулж хэрэглэнэ!!!) 

Хадгалах: Гэрэл нэвтрэхгүй харанхуй, хуурай газар хадгална. Бэлтгэсэн тэжээлийн орчныг тасалгааны температурт нэг өдрөөс илүү хугацаанд  байлгаж болохгүй.  Петрийн аягатай тэжээлийн орчныг 1 сараас багагүй хугацаанд гэрэл нэвтрэхгүй, хуурай нөхцөлд 2-8⁰С-т  хадгалан хэрэглэж болно.

Суулгац хийх: Хэрвээ бэлтгэсэн тэжээлийн орчныг сэрүүн нөхцөлд хадгалж байгаа тохиолдолд суулгац хийхийн өмнө өрөөний хэмд 30мин орчим байлгасны дараа Биоаюулгүйн боксонд дээж болон сорьцыг тарьж +37⁰С-ийн инкубаторт 18-24цаг өсгөвөрлөн үр дүнг уншина.

Үр дүнг унших:

ESBL E.coli                                                    хүрэн ягаанаас улаавтар                                                                                                                                ESBL Klebsiella, Enterobacter                      хар  хөх                                                                                                                           ESBL Proteus                                                 бор хүрээтэй                                                                                                                                                              

Устгал: Хэрэглэсэн орчныг 121⁰С-т 20минут автоклавдана.

Зөвхөн лабораторийн нөхцөлд ашиглана. Энэхүү бүтээгдэхүүнийг зөвхөн лабораторийн мэргэжлийн болон мэргэшсэн ажилтан ашиглана.